Chinebro

Ideyas retuertas acomplexadas

guardián perén de l'orache durizo,

de contino d'árbol con muesclo fizo,

endurando todas as fridors dadas.

S'estuerze roncalloso con caradas

sobre sí mesmo, en aborrible enchizo,

entre buxos e allagas perdidizo,

fendo-se o más roñón d'as redoladas.

O chinebro bi ha fillas pispoletas

de crosta blanca e fuellas menudetas

que andurrían quedas, en apargatas;

trayen augua d'a fuen en argaderas,

como despepitadas pescaderas,

e li dan licor fuerte en as beilatas.

  

«Chinebro, enebro;

ideyas, ideas;

retuertas, retorcidas;

de contino, continuamente;

muesclo, músculo;

s'estuerze, se retuerce;

roncalloso, retador;

aborrible, aborrecible;

enchizo, hechizo;

perdidizo, oculto;

roñón, gruñón;

pispoletas, pizpiretas;

quedas, (adv) calladamente;

argaderas, angarillas;

despepitadas, atrevidas;

pescaderas, andarríos;

beilatas, veladas».

Amiro de colós

Traye l'agüerro un amiro de colors

que s'adreza en a corriente d'o río

con una bastida d'espullo impío,

esparpallau entre royiscos clamors.

Quedan brancas muertas con muita dolor:

as fuellas se'n ben e l'árbol ye pío,

se zaboya en a escureldá d'o frío;

otras rebilcan luzes multicolor.

A rasmia d'o fuego preta á tot meter,

prenzipía por tonos más royencos

e s'emprende con amariellos oro.

Os berdes ban tardanos: sin malmeter;

son os berdes claros, claros berdencos,

e un azirón crema o suyo tresoro.

  

«Amiro de colós, cúmulo de colores;

traye l'agüerro, trae el otoño;

bastida, marco;

espullo, desnudo;

esparpallau, sobresaltado;

royiscos clamós, rojizos lamentos;

brancas, ramas;

se'n ben, se van

pío, vacío;

se zaboya, se oculta;

otras rebilcan, otras ramas resucitan;

preta á tot meter, acelera a toda prisa;

prenzipía, comienza;

s'emprende, se enciende;

azirón, arce;».

puen de piedra

Debaxo o puen de piedra baxa un río

que dexa en una espuenda una alamera,

do crexe a cañapita e a sarguera

e un biello soto que fa solombrío.

D'o puen sale una endrezera d'abío

con parez que anidan aus bolanderas,

muxons que chiflan en as matulleras

e albarens pingaus ent'o correntío.

Zaga o puen de sais arcos se desancha

pa escansar d'o camino bien a l'ancha

e columbrar os buelos d'as anedas.

Asobén a chen por astí pasía

mirando d'esbastar as oras quedas

que se'n ben en tranquila compañía.

«Puen, puente;

dexa, deja;

espuenda, orilla;

alamera, alameda;

cañapita, anea;

sarguera, sauce;

que fa solombrío, con umbría;

endrezera d'abío, vereda de servicio;

aus bolanderas, aves trotamundos;

muxons, pajarillos;

matulleras, matorrales;

albarens, álamos blancos;

pingaus, inclinados;

se desancha, se ensancha;

columbrar, divisar;

anedas, ánades;

por astí pasía, por allí pasea;

mirando d'esbastar, tratando de entretener;

as oras quedas, las horas muertas;

se'n ben, se van».

  

Bisas de yerba e zielo

Plegan aires blosos de yerba e zielo,

olorías, en que o sol ranca o día

e remeten boiras o feble telo

que alto s'esfilorcha e s'estrafurría.

Remanen en o mon os aimos quedos;

una remor cutiana chorrotía

a galbana de l'augua d'os ripedos

debán dos buxos que fan de bexía.

A riseta d'as flos refila as fangas

que minguan con a calor de berano

e s'endurexen como as pasaderas.

O safoco se'n baxa d'as faxangas

dezaga a ramada, como un mardano

que acalora entre o berde d'as paqueras.

  

«Aire bloso, aire puro;

olorías, fragancias;

remeten, reponen;

feble telo, frágil membrana

s'esfilorcha, se deshilacha

s'estrafurría, se disipa;

remanen, permanecen;

aimos, apegos;

chorrotía, chorrea;

galbana, desgana;

ripedos, declives;

bexía, vigía;

flos, flores;

refila, elude;

fanga, lodazal;

pasadera, pasarela de piedras;

safoco, sofoco;

faxanga, resalte de un precipicio;

ramada, rebaño de ovejas y cabras;

que acalora, que se protege del sol;

paquera, umbría».

Deseyo

«Una chiqueta encantaria en barranco Estribiella (Echo). Iste poema ye estau publicato en o lumeno 219-220 d'a rebista Fuellas, pertocán a la entrestallada "chinero-abril de 2014"».
http://www.consello.org/pdf_fuellas/fuellas%20219-220.pdf

  

Si podese charrar con tu á solas

aprender as letras como en a escuela

bulcar una milenta pamparolas

en l'aire bloso que contino buela.

Si podese coloriar as parolas

de l'augua xerbicada con dendela,

d'o mormurio d'os árbols en as olas

malas que sofla o zierzo e los amuela;

allora as bozes arreplegaría,

as ulors d'as flors ixamenaría

dende l'altizo mon d'o entendimiento;

como esparde o sol a luz tot o día,

esnabesa as selbas y escalfa o biento

que li torna a la luenga o suyo aliento.

  

«Pertocán, correspondiente;

entrestallada, intervalo;

deseyo, anhelo;

bulcar, volcar;

una milenta, un millar;

pamparolas, de mariposas;

aire bloso, aire puro;

los amuela, los tunde;

arreplegaría, reuniría;

ixamenaría, extendería;

esnabesa, recorre;

escalfa, calienta

torna, devuelve».

Zelos

Sinto zelos d'as luzes

que enfuelgan os güellos

cuan aspazié te me miras.

Tiengo zelos muitas bezes

d'os aires que amorosían

alredor d'a tuya zentura.

Sinto deseyos de querer-te

cuan o sol que reluze emplena

de colors a tuya fegura.

Tiengo miedo de perder-te

en que a bisa peina as zerras

que embelecan cuan caminas.

Bida que amortas a muerte,

flors que arríen a o diya;

¡qué bonica yes aimada¡

  

«Sintir, sentir;

enfolgar, alegrar;

güellos, ojos;

aspazié, despacito;

amorosían, coquetean;

emplena, satura;

fegura, semblante (cara);

bisa, viento flojo;

zerras, cabellos;

embelecan, embelesan;

arríen, sonríen;

aimada, querida».

Puenda festera

Os patos, en parella, capuzían

en as yerbas d'a corriente d'o río

con una remor en mingua d'abío;

e con afán cuquetas piponían.

Son nabaters que ascape esbolastrían

en l'aire debantando o poderío

de dos almas chuntas sin d'esbarío,

sospesando a libertá que angluzían.

Entre cañapita paran o niedo

que cusiran muxonez quiticlers

con as bisas mollas que bi ha en a espuenda.

O calitre bi amagan escusers

por a fendilla que dexa un troz buedo

pa que traiga bida a festera puenda.

  

«Puenda, temporada;

festera, festiva;

en mingua, menguante;

cuquetas, insectos;

piponiar, picotear;

nabaters, alamadieros;

sin d'esbarío, sin delirio;

angluzían, ambicionan;

cañapita, anea;

espuenda, orilla;

calitre, apariencia (catadura);

fendilla, grieta;

un troz buedo, un espacio vacío».

Sospiros d'una mai

«Quis possit lacrimis æquāre labores?» Publius Virgilius Maro, "Eneida II".

(¿Quí poderba abastar con glarimas as sufrienzas?)

Margalidas amariellas

en a peaina ateseradas;

lidios blancos, flos bioletas;

e alto tres cruzes fincadas.

Ya se siente a torrumbesca,

tertula l'aire á racadas;

ya se meten en ringlera

capiellos e sayas pardas.

Colós d'a semana santa

que en primabera enzetán

implen con rasmia as penas

d'ensine riguridá.

Debaxo a cruz, con delera,

clabels royos d'o Rei Siñor;

debán comboyan os blancos,

sospiros d'a mai de Dios.

Regostaus tamborinaires

atochan bombos e tambós;

en os balcons e carreras

esparpallan os corazons.

  

«Margalidas, margaritas;

peaina, peana;

ateseradas, bien dispuestas;

torrumbesca, ruido de tormenta;

a racadas, a rachas;

enzetán, incipiente;

ensine, insigne;

riguridá, severidad;

comboyan, atraen simpatía;

regostaus, ufanos;

tamborinaire, tamborilero;

esparpallan, sobresaltan».

Quies in altis

‘Quies in altis’ entre a selba dormién,

escrito en o cuairón d'una cabana,

rezaba entre o frescacho d'a mañana

un aire prebante, tot parabién.

Quietú en as altarias pa chen balién;

alcordanzas de cuan febas a tana,

esbastabas diyas con a cabaña

en l'altero mon, de nieus rebutién.

Talmén eses quiesto dizir: no i puyes

as tuyas carrañas; tira-te as penas,

que se baigan cremando en o fogaril

penchadas a la lumbre d'o canaril;

aquí no'n gosan sanar as postemas

ni os ploros d'aquers amors d'os que fuyes.

  

«Quies in altis, (latín) quietú en as altarias;

cuairón, viga de madera;

cabana, cabaña (almacén);

prebante, saludable;

tot parabién, todo dicha;

alcordanzas, recuerdos;

febas a tana, te hastiabas;

esbastabas diyas, entretenías días;

cabaña, rebaño numeroso;

rebutién, colmado;

carrañas, enojos;

fogaril, fogón;

canaril, llares;

no'n gosan sanar, no suelen sanar (de ellas);

postemas, costras con pus;

ploros, llanto».

Albarén

 

Albarén, tifo e berdenco,

con ixes bandías fuellas;

o mesmo que en nuei serena

zeribeques as estrelas.

Agulleta dreita e trista

con farcha de toriador,

no asperes guaire d'a bida

que un bochorno joriador.

Dexas s'arreplegue chen

baxo l'alongada brempa,

en tardadas calurientas

sin itar a chura en cuenta.

Nomás te cal prexinar

que en as tuyas brancas posan

milenta d'aus a escansar

e poqueta guita bosan.

Garra gasto bi orixinas

acoflau en a ziudá,

a lo más tierra e soflinas

e una mica libertá.

«Albarén, álamo blanco;

tifo, tieso;

berdenco, verdoso;

con ixes, con apostura;

bandías fuellas, meneas hojas;

zeribeques, jeribeques;

bochorno, aire del sur;

joriador, viento que sanea;

s'arreplegue, se recoja;

alongada brempa, alargada sombra;

calurientas, calenturientas;

sin itar a chura en cuenta, sin solicitar a cambio juramento;

nomás te cal prexinar, solo tienes que imaginar;

milenta d'aus, un millar de aves;

guita, pecunia;

soflinas, remolinos de viento;

mica, miaja».