domingo, 2 de abril de 2017

Xerbicada trena



A tuya polideza ye serena
como enluzerna a nieu en primabera
cuan acucuta en l'achar de lumbradera
entre boiras grisas plenas de pena.

O tuyo pelo, xerbicada trena
d'auguas cristalinas de barranquera
con roidera de terne turruntera
que dende a fren fermosa s'escatena.

Luzen os tuyos didos suabes chemas
d'árbols pompudos que son as tuyas mans
e o pelello, soro berde d'as tascas.

Lebas en os güellos nierbosos pimpans
que escodriñan d'o mon as angulemas...

e ascape en malinconía t'enflascas.



«Xerbicada trena, melena despeñada; polideza, belleza; enluzerna, encandila; cuan acucuta en l'achar, cuando aparece en el paso entre valles; de lumbradera, radiante; terne turruntera, constante capricho; s'escatena, se vence; didos, dedos; chemas, yemas; pompudos, frondosos; pelello, piel; soro berde d'as tascas, verde amararillo de los prados; güellos, ojos; nierbosos pimpans, nerviosos vencejos; angulemas, estrecheces; e ascape, y enseguida; en malinconía t'enflascas, en melancolía te metes».

No hay comentarios:

Publicar un comentario