lunes, 8 de diciembre de 2014

Chinebro


Ideyas retuertas acomplexadas
guardián perén de l'orache durizo,
de contino d'árbol con muesclo fizo,
endurando todas as fridors dadas.

S'estuerze roncalloso con caradas
sobre sí mesmo, en aborrible enchizo,
entre buxos e allagas perdidizo,
fendo-se o más roñón d'as redoladas.

O chinebro bi ha fillas pispoletas
de crosta blanca e fuellas menudetas
que andurrían quedas, en apargatas;

trayen augua d'a fuen en argaderas,
como despepitadas pescaderas,
e li dan licor fuerte en as beilatas.

  
«Chinebro, enebro;
ideyas, ideas;
retuertas, retorcidas;
de contino, continuamente;
muesclo, músculo;
s'estuerze, se retuerce;
roncalloso, retador;
aborrible, aborrecible;
enchizo, hechizo;
perdidizo, oculto;
roñón, gruñón;
pispoletas, pizpiretas;
quedas, (adv) calladamente;
argaderas, angarillas;
despepitadas, atrevidas;
pescaderas, andarríos;
beilatas, veladas».

No hay comentarios:

Publicar un comentario