Nieus

Entre que cuallaba a nieu amonico

pretaba a acubillar-se o fredo en casa,

as carreras plenas de buen ballico;

o ibierno bregaba con blanca masa.

Acucutaba o sol amuinadico,

tieda bafurosa con luz de baxa,

zaga as boiras negras corrucadico

bi atifaba a claror de faxa en faxa.

Os mixins d'o zielo chugan á marro,

s'encorren por os árbols entre as brancas,

ban de correndida dica as pozancas.

As nieus zaboyan cualsiquier cocharro;

s'amagan á escondecucas en os praus

rebilcando o silenzio por toz os laus.

«Nieus, nieves;

cuallaba, cuajaba;

amonico, poco a poco;

acubillar-se, cobijarse;

ballico, pasto de la orilla;

Acucutaba, asomaba;

amuinadico, apocado;

tieda, tea;

bafurosa, borrosa;

corrucadico, acurrucado;

atifaba, acechaba;

claror, claridad;

mixins, gatos;

de correndida, a la carrera;

zaboyan, ocultan;

cocharro, trasto;

s'amagan, se esconden;

á escondecucas, al escondite;

rebilcando, reviviendo;

laus, lados».