Afrodita e a luna

Afrodita ibi é queda en o chardín;

a luna li cubre con sotil seda

en beilatas de retillante bieda

en as que s'acazega en o desinfín.

A estatua migolía como un mixín;

acoflada güeca entre barda umeda

que la engayola en redolanza freda

amarrada con liza como un cadín.

A bufina luleta ye espullada

bañada en rayadas de plata fina

que un carrazo d'estrelas li traxina.

A diosa marmolenca de nueys rapa

o bestugario de luz que xalapa

a conzietuda luna embazilada.

«Afrodita, Ἀφροδίτη, Venus (estrella vespertina); ibi é queda, está tranquila; chardín, jardín; sotil, sutil; en beilatas, en veladas; de retillante bieda, de brillante veda; s'acazega, se extravía; en o desinfín, en la infinidad; migolía, maulla;  mixín, gato; acoflada güeca, acomodada vanidosa; entre barda umeda, entre el seto húmedo; que la engayola, que la encarcela; en redolanza freda, en su contorno frío; amarrada con liza, sujetada con cordel ; cadín, cachorrillo; a bufina luleta, la pálida golosina; ye espullada, está desnuda; bañada en rayadas, bañada en rayos de luz; carrazo, racimo; li traxina, le dedica; de nueys, por la noche; rapa o bestugario de luz, roba el vestuario de luz; que xalapa, que desgarra; a conzietuda, la caprichosa; luna embazilada, luna embaucada».

Duro afalago

 

En una marguin de bella endrezera

con brancas nierbudas e estiraziada

á embute con nieu escarramanchada

bi yera esgarrillada una noguera.

De cuan en bez l'ausín de cutillada

debanta en bulturnos a nieu zanzera

tirando-li de a ibiernal soniera

que por iste tiempo li biene dada.

Lugo li queda a o camín a chelera,

duro afalago d'a paz amortada,

fridor que ba a acotolar a noguera.

Pero no rebla, no, espazienzada,

ascape i tornará atra primabera

e a chilarita d'a chen d'estibada.

«En una margen de cierto sendero/ con ramas membrudas y alargadas/ a tope con nieve acaballada/ había un nogal desgarbado.

De vez en cuando la ventisca de cuchillada/ levanta en torbellinos la nieve virgen/ sacándola de la invernal modorra/ que le viene dada por entonces.

Enseguida le queda al camino a helada/ duro halago de la paz apagada/ frialdad que quiere acabar con el  nogal.

Pero no desiste, desesperado,/ pronto vendrá una nueva primavera/ y el griterío de la gente durante el verano».

Corazons parellanos

Corazons parellanos

Agún se reflexa o zielo en as fundas

auguas que se quedoron entibadas

en a canal que perén le son dadas,

aplanadas entre guambras fecundas.

Por toz os cabos que a gollada afundas

luzes pardas en negror enfonsadas,

clarors d'o diya en o bardo emporcadas,

pinarros fieros que s'atusan undas.

Una parella patos rancan buelo

por denzima os dandalos d'os umanos

que d'ibierno se tornan pretos, nanos.

S'encorren rapedos por l'amplo zielo

entre iste diya que remane lelo;

corazons de dos en dos, parellanos.

«Corazons parellanos, corazones afines; agún, aun; fundas auguas, hondas aguas; entibadas, estancadas; perén, permanentemente; aplanadas entre guambras, amilanadas entre sombras; por toz os cabos, por todos los extremos; que a gollada, que la mirada ahondas; luzes pardas, luces marrones; en negror enfonsadas, en oscuridad metidas;  clarors, claridades; en o bardo emporcadas, en el barro ensuciadas; pinarros fieros, pino carrascos feos; que s'atusan undas, que se igualan ondeos; parella, pareja; rancan buelo, levantan el vuelo; denzima os dandalos, por encima de las preocupaciones; nanos, enanos; s'encorren, se persiguen; rapedos, raudos; que remane lelo, que contúa tonto».

Peluzetas

En una talla que parez sarmiento

un soflo chiquet de vida de paxaro

asoma en la finestra de lo viento,

se paina con estixeras de amaro.

S'aplega con un tristo sentimiento

entre que la tardi en un cantaro

se zarra entre ulorías e lamentos

e aguaita a iste camandulero raro.

Garretas, papo, peito, cuello e alas

peluzetas tiernas de madalenas

fendo morrín clo entre árbols e matas.

Azamallo de cistrilla de arena

embolicau en seda de corbatas

con soledá que s'auside entre natas.

«Peluzetas, vello suave de las aves; talla, rama de árbol; que parez, que parece; finestra, ventana; se paina, se peina; estixeras, tijeras; amaro, salvia; s'aplega, se arrima; tristo, triste; se zarra, se confina; ulorías, aromas; aguaita, observa; camandulero, rondador; garretas, patitas; papo, buche; peito, pecho; madalenas, magdalenas; morrín clo, tentación;  azamallo, envoltorio de comida;  cistrilla, bisbita (ave);  s'auside, se desvanece;  natas, blancuras (fig.)» «retrato de Sergio Padura».

Engalzes d'a luenga

Qué le s'importa a zierzera a o tremolín

que tintila as fuellas como chipetas,

sorollando-sen e fendo redolín,

dezaga un zielo azul de buxiquetas.

Qué le s'importa a la chen o esdebenir

d'a luenga d'un probe pueblo montañés

que la clama Fabla e charra sin polir;

e no s'alticama en días bentolés.

L'airera, enzecada, abatana os camals

malfarchando os didos que s'acarrazan

con un zeño platiau e carrasqueño.

No se sueltan d'o trallo ni s'escazan;

son parolas que han engalze zereño

e que o tiempo guarda por os baganals.

«Engalze, sujeción (enganche); luenga, lengua; le s'importa, le importa; zierzera, viento frío del norte; tremolín, álamo temblón; tintilando, centelleando; fuellas, hojas; chipetas, alevines de trucha; sorollando-sen, agitándose; e fendo o redolín, y dando vuelta alrededor; dezaga, tras; buxiquetas, burbujas; chen, gente; esdebenir, porvenir; probe, pobre; clama, llama;  Fabla, Habla; la charra, la habla; sin sentir, sin percibir; ni s'alticama, ni se inmuta; bentolés, ventosos; l'airera, el vendaval; abatana, golpea; enzecada, obcecada; camals, ramas; malfarchando, deformando; didos, dedos; s'acarrazan, se asen; zeño, gesto; platiau, plateado; carrasqueño, resistente; trallo, tronco; ni s'escazan, ni se caen; parolas, palabras; zereño, fuerte; por os baganals, por los eriales».

«afoto de Sergio Padura»

Sopambina

«Por manca de cultura, Miquel Roca Yungent e Jordi Solé Tura, pais catalanistas d'a Costituzión de 1978, se xublideron de mentar Aragón e a suya luenga aragonesa en o testo chunto ta o euskera, catalán e galego, e ixo á tamas de que l'aragonés ye a luenga más antiga d'a peninsula, datada en 807; ye l'euskera romanizau, perén ha estau o romanze alazetal d'as demás luengas incluyida a lengua castellana de Ferrando II d'Aragón, tanto drento d'o Reino (Aragón e Cataluña) como difuera. Dende o puyolismo de 1980 no emos alantau guaire, si alcaso bel espurrruzio. Ye patantizo. S'amenistan todas as luengas».

«Por abatars d'a cultura u talmén d'a incultura, Aragón se quedó sin reconoxer a suya luenga. En istos zaguers años ha endurau toda mena de faltadas e disprezios. Se fazió una lei de luengas pa batir un losizo grañaz sobre ella: el LAPAPYP. A truca de sinno politico retornó o suyo nombre a l'Aragonés. Tamién anuleron importes e publicazón d'as obras premiadas por a DGA».

En lo Sacadero una bermella

rana con pintes de verde aguarruxo,

liedrera motiada de moza biella,

se bañaba en la badina Los Bruxos.

I'n eba buena pallada parellas

con garras de fambre de escalambruxo,

á tochazo limpio en las costiellas,

espedos e punchos, buxos con buxos.

Pan de sopambina untau en la glera

que lo se esmicacían las pirinas

a cachez, con falaguera en lo ronal.

¡Ox! ¡ox! dicié la ranota monina:

¡Pelaires, quedos, dexar lo barducal!

Si querez barallarvos, en las seras.

«afoto de José Polo Cajo»

«Sopambina, sopeta de vino; lo Sacadero, lugar de extracción de madera; bermella, roja; verde aguarruxo, verde niebla; liedrera, yedra; buena pallada parellas, muchas parejas; garras de fambre, piernas de hambre; escalambruxo, agavanzo ; espedo, palo de espada; buxos, bojes; lo esmicacían las pirinas, lo desmenuzan las gallinas; con falaguera, con ahinco; en lo ronal, lecho del río; ¡Ox!, ¡fuera!; pelaires, inútiles; quedos, ¡alto! quietos; dexar lo barducal, dejar el barrizal; si querez barallarvos, si quereis pelear; en las seras, en las eras».

Traxín

L'hombre de la ciudá entrega lo niero

e reculle la blancura de ista val.

I plega solo, eschucau, lixero

pero ascape se acochola en lo andurrial.

Lo viaxán se'n yera puyau primero

 dende lo puen biello enta lo Torrillón

fendo mobeta caxín carranquero

con las greñas de Peñaforca en lo mon.

Los linzuelos de luz cucan los güellos

de las asprezas d'ista amadrugada

que la se debantan en bolanderas.

Un mostín blanco ita una cucada

en parete d'escarzos e liedrera.

Lo cierzo acorandoli lo pelello.

«Traxín, jaleo; lo niero, el negro; e reculle, y recoge; i plega, llega allí; eschucau, desinflado; ascape s'acochola, rápidamente se ampara; andurrial, paraje; viaxán, viajante (representante); se'n yera puyau, había subido; fendo mobeta, trasladándose; caxín carranquero, renqueando vencido; greñas de Peñaforca, nubes de Peñaforca; linzuelos de luz, sábanas de luz; cucan los güellos, dañan los ojos; mostín, mastín; ita una cucada, echa una siesta; escarzos e liedrera, líquenes y yedra; acorandoli lo pelello, agotándole la piel».

«afoto de Sergio Padura»

La Chorrota

Cutio cutio me poso en La Chorrota

con cudiau de no amanecer de morros,

de talapizada en ista fuentota

que fluye esbarrachando istos corros.

Escanso en un petriz que ibi é regufrau

con un bolo rechoncho pa berendar

achatau por denzima, bien asentau,

e pro aparente pa fer-nos regostar.

S'achunta con una reguadera

en un forcallo que suena cantarín;

barzas e masuras de verde limón.

Lo sabuco acucuta colorín

en los ramos tintaus de bermellón

que comboyan a la fuen en filera.

«Forcallo en la fuen, confluencia en la fuente; cutio cutio, tranquilamente; me poso, me siento; cudiau de no amanecer,  cuidado de no caer; talapizada, resbalón; esbarrachando, inundando; petriz, banco de piedra; que ibi é, que hay (que está allí); regufrau, resguardado; bolo, piedra gruesa; regostar, disfrutar; reguadera, arroyuelo; barzas e masuras, zarzas y moras; acucuta, despunta; que comboyan, que festejan; en filera, en línea».

Fácil de soñar

Un barquito varado en el olvido

posiblemente dejado de lado

por el mar que lo había trabajado

baos de bruces en la arena hundido.

Del muelle se acercaron dos bandidos

martillo en mano madero cruzado,

se echaron encima del ultrajado

y arreglaron el casco comprimido.

El barco servible redondo al mar

volando por el surco de las olas

dejando en pos del hombre sus cuidados.

Un marinero le contaba a solas

sus desvelos, sus apegos bregados

y el mar le entregó su afán de soñar.

Xerbicada trena

A tuya polideza ye serena

como enluzerna a nieu en primabera

cuan acucuta en l'achar de lumbradera

entre boiras grisas plenas de pena.

O tuyo pelo, xerbicada trena

d'auguas cristalinas de barranquera

con roidera de terne turruntera

que dende a fren fermosa s'escatena.

Luzen os tuyos didos suabes chemas

d'árbols pompudos que son as tuyas mans

e o pelello, soro berde d'as tascas.

Lebas en os güellos nierbosos pimpans

que escodriñan d'o mon as angulemas...

e ascape en malinconía t'enflascas.

«Xerbicada trena, melena despeñada; polideza, belleza; enluzerna, encandila; cuan acucuta en l'achar, cuando aparece en el paso entre valles; de lumbradera, radiante; terne turruntera, constante capricho; s'escatena, se vence; didos, dedos; chemas, yemas; pompudos, frondosos; pelello, piel; soro berde d'as tascas, verde amararillo de los prados; güellos, ojos; nierbosos pimpans, nerviosos vencejos; angulemas, estrecheces; e ascape, y enseguida; en malinconía t'enflascas, en melancolía te metes».