Márguins platiadas

As dembas con as zagueras tronadas

escoscan a cara de primabera,

ixucan o pelache en a zierzera

e prenen caxos de flors coloriadas.

Buelan pandamén zigüeñas aladas

que cuentan os años d'as arboleras,

o berde que naxe en as campineras

e as márguins pretas de colors platiadas.

Por as auguas que leban ta l'Alfranca

con chuegos dondían as bolandrinas;

e un esparbel clama a la suya aimada.

Pleitía por zelos con aus bezinas

entre que abía con broza a nidada

en un chopo niero de tuerta branca.

«Con las últimas tormentas, los campos / acrisolan la cara de primavera, / secan su pelaje en la ventolera / y adquieren cachetes de flores coloreadas.

»Vuelan con parsimonia cigüeñas aladas / que cuentan los años de las arboledas, / el verde que nace en las campiñas / y los márgenes densos de colores plateados.

»Por las aguas que llevan a La Alfranca / con juegos deambulan las golondrinas; / y un gavilán llama a su amada.

»Discute por celos con aves vecinas / mientras dispone con maleza la pollada / en un chopo negro de retorcido tallo».

Pamparolas

a Chuliana li cuacan as pamparolas

porque cadaguna d'ellas ye diferén,

bolan por as espuendas, de colors claras

anque con tacas de rasgo rezio a biés.

a Chuliana li aiman as flors amariellas

pixatinas, botons d'oro e dedaletas,

e as magorías d'os marguinazos berdes

que a lo espuntar chunio acucutan bisteras.

a Chuliana li fa goyo l'augua corrible

d'os regatiellos que no emporcan as bacas,

en do s'entrefila remullar-se a l'ancha

e acalorar-se folgando en a solana.

a Chuliana li agana qué mesió pasiar

e aforrar-se as manguetas pa prener o sol.

Li escaxeran as gambadas en costera

e cuan bi ha tronada se xorronta un muntón.

«a Juliana le gustan las mariposas / porque cada una de ellas es diferente / vuelan por las orillas, de colores claros / aunque con  manchas de trazo grueso al sesgo.

»a Juliana le deleitan las flores amarillas / dientes de león, centellas y campanillas / y las fresas silvestres de los terraplenes verdes / que al inicio de junio asoman ostensibles.

»a Juliana le hace gozo la corriente del agua / de los regatos que no ensucian las vacas / en donde se le antoja remojarse a placer / y protegerse del sol holgando en la solana.

»a Juliana le apetece mucho pasear / y aligerarse las mangas de la camisa para tomar el sol. / Le exasperan los paseos en pendiente / y cuando hay tormenta se asusta un montón».

Pirol de rosera

Entre as fuellas menutas d'a rosera

se quedan as chislas acarrazadas

con oloría á yerba rebilcada

dimpués que o zielo remata a plorera.

S'aplica un sayo floco a gabardera

denzima siete sayas, nabegadas

con o traxín d'as ternes zarandiadas

que trestucan en diyas de chelera.

Malas que o mon imple de berde as tascas,

con as punchas adreza flors de cascas

de luna clara e amariello sol.

Lugo s'arreplega en rosau pirol

a dueña que, d'ibierno, guarda a casa

e en chunio rechita florada en masa.

«Entre las menudas hojas del rosal / se quedan las gotas atrapadas / con fragancia a hierba renacida/ después que el cielo termina su llanto.

»Se otorga un vestido esponjoso la mosqueta (rosal silvestre) / sobre siete sayas atareadas con el trajín de los constantes  meneos / que trastornan en días de helada.

»En cuanto el monte llena de verde los prados, / con las espinas atavía flores de cáscaras / de luna blanca y amarillo sol.

»Luego se recoge en rosado pimpollo / la señora que, durante el invierno, guarda la casa / y en junio rebrota floración a raudales».