martes, 19 de abril de 2016

Azúcal de margalida


Poquet a poquet s'atecla a siñora
con as primeras bisas de bernera
que soflan rebellando a primabera
d'a puenda ibernal que, cachucha, plora.

Cutio coloría a mañana sora
con ramullos que brostan nieu zanzera
en o torrumbero d'una costera
en do o sol que comboya no bi acora.

S'acotolan as guambras d'ibiernada;
prenzipían a redir-sen con flors
as desentas brancas d'as almendreras;

e en o suelo amanexen aus biacheras
que piponían as tiernas blancors,
azúcal de margalida en benada.

  
«Poco a poco se engalana la señora / con las primeras brisas de levante / que soplan despertando la primavera / de la estación invernal que, achicada, llora.
»Discretamente colorea la ocre mañana / con támaras que retoñan nieve pura / en el derrumbadero de una cuesta / donde el sol que acaricia no sofoca.
»Se consumen las sombras de todo el invierno / empiezan a reír con flores / las vacías ramas de los almendros;
»y en el suelo aparecen aves peregrinas / que picotean los tiernos albores, / azúcar de margarita en fecunda inspiración».


sábado, 2 de abril de 2016

Carricoche



Lebaba en carricoche a suya bida
con tapallos mollos arrebullada,
e se'n daba bamba a mai repinchada
por o molluto chiquín seduzida.

Beniba de relumbraina bistida
con ozianos de goyo en a gollada,
trango firme de muller siñalada,
cara siñorial, carada atribida.

A luz d'os suyos güellos festexaba
a l'aire que en o camín trepuzaba,
e fendo-li un retruque albandonaba.

A bida que sondormida menaba
con aseguranza s'atrapaziaba
ta tornar-li os cariños que li daba.



«Carricoche, cochecito; lebaba, llevaba; con tapallos mollos, con ropas suaves; arrebullada, envuelta; mai repinchada, mamá retadora; molluto, rollizo; de relumbraina bistida, radiante de gozo; gollada, mirada; trango firme, paso seguro; e fendo-li un retruque, y desdeñándolo; que sondormida menaba, que adormecida conducía; con aseguranza, con seguridad; s'atrapaziaba, se las arreglaba; pa tornar-li, para devolverle».

Iste poema puede escuitar-se en o engalze: http://www.thebooksmovie.com/aragones.html
punchando en "Encantaria" de Chesús Aranda.
L'afoto d'alto ye amprada por a propia "encantaria". Vidēre: https://www.facebook.com/IllisiaCosplay/