En a primera afoto amanexe Lo Sacadero (Echo) á metá de camino entre Ziresa e Oza, dimpués de esnabesar a Boca d'o Infierno e dexar ta un costau punta Agüerri, «mons cum altitudine cœlum contingit» mon tan altero que cuasi adube en o zielo. Más ta debán, a carretera contina por a biella Bía Romana que chune Cӕsaraugustam ac Bearnum por o Puerto lo Palo, «viam ab faucibus rupibus famosam» bía nombrada por as suyas fozes e zinglas, «angustiӕ viӕ potius semita» de estreito camino, más que más endrezera, á ormino arranada por unas e otras auguas ibernals «hibernis alibus aquis pervastatam», tal como se cuaterna «in petram» sobre una lapida romana d'apaños de recostruzión, datada entre as añadas 383 e 388, «iussu domini et principis magni maximi victorissimi semper augusti Antonius Maximinus» por encomienda de nuestro siñor e siempre augusto emperador Antonio Masimino, que se alza en o Monesterio de Ziresa. En a segunda afoto puede catar-se o ibierno en Puen de Sil, ta par de Oza.
Os
pinos con muita airera
dizen
que quieren chugar
e
capuzar-sen en l'augua
pa
lo río i chorrupar.
Agüerri
las se alufra
como
un mallo en feredá,
con
miles d'aires d'o norte
que
lo quieren empentar.
Os
buxos que i'n ha en a espuenda
se
cobexan xorrontaus,
o
rezial muito apriseta
carría
as fuellas d'os faus.
¡Imos!,
l'orizón no empara,
l'orache
se'n be á chirar,
s'alufran
nubles de burz
e
o esbarafundio be a plegar.
Baxaz
paxaricos, baxaz;
quedo
ibi é o mon por demás,
ascape
bi abrá tronada
e
de casa no'n ez encá.
«Airera,
vendaval;
un
mallo, un gigantón;
en
feredá, con espanto;
empentar,
empujar (abatir);
no
empara, no aguanta;
se'n
be á chirar, se va (inde, dende astí) a revolver;
s'alufran,
se observan;
nubles
de burz, nublados de tormenta;
esbarafundio,
desorden;
o
mon, el monte;
ibi
é quedo, está calmoso;
por
demás, en vano;
e
de casa no'n ez encá, y casa no tenéis (de eso) todavía».
