Cascas de plata

Cullebría entre a chelor d'a mañana

un senzillo y esclatero arrigazo

que en os costaus guarda reus de nebazos

e faus galbanutos en coscarana.

O sol a la fridor d'as guambras gana

amostrando as colors d'a selba á piazos

en trallos grisos con berdes escarzos

e bolitos febles de chincharana.

O chipichape d'o camino quedo

mezcla bardo con fuellas de boscache

e cascas de plata de blanca luna;

biento enredaire bandía o ramache

nastau e sin posibilidá denguna

de sacar-li o ibierno a o mon ripedo.

«Cascas, cáscaras;

esclatero, diáfano;

arrigazo, arroyo;

reus, restos;

faus, hayas;

galbanutos, perezosos;

en coscarana, en porretas;

fridor, frialdad (desapego);

guambras, sombras;

trallos, troncos;

grisos, grises;

escarzos, líquenes;

bolitos, vuelos;

febles, tenues;

chincharana, carbonero común;

chipichape, barrizal;

quedo, tranquilo;

fuellas, hojas;

boscache, boscaje;

biento, viento;

enredaire, enredador;

bandía, balancea;

nastau, aniquilado;

sacar-li, enmendarle;

ripedo, empinado».