Morana

Bal de Morana

Yera un maitín d'o mes d'abril floriu

en que o zierzo, o frío e a nieu campaban

a la mesma ora que caminábanos

entre as duras carrascas d'a Morana.

Alarguemos ta l'ueste enta un tresaire

fendo d'escar un poco de luz e sol

que o güelo Moncayo nos ne pribaba

con güeina negra e zeños d'adán ramplón.

Aturemos l'auto en a biella muga

do grazias a Santa Rita e con perdón

o Queiles li furta a Castiella as auguas

que lugo le'n da a Aragón en gorgollón;

e una flor beroya de curbas plenas,

zerras morenas e gollada abisal,

entre flors royas por a plaza ent'o bar

de brazete lebaba l'ombre a chintar.

«Yera, era; maitín, mañana; carrasca, encina; alarguemos, marchamos; ueste, oeste; tresaire, abrigo del viento; fendo d'escar, tratando de buscar; güelo, abuelo; pribaba, impedía; güeina, boina; zeños, gestos; adán ramplón, hombre descuidado y vulgar; aturemos, detuvimos; auto, coche; biella, antigua; muga, frontera; furta, roba; Castiella, Castilla; auguas, aguas; lugo, luego; le'n da, se la entrega; en gorgollón, a borbotones; beroya, exuberante; curbas plenas, curvas colmadas; zerras morenas, cabellera negra; gollada abisal, mirada insondable; flors royas, flores escarlata; de brazete, colgada del brazo; lebaba, llevaba; l'ombre, el marido;  a chintar, a comer a mediodía».

Luminetas

Zientos de blancas luletas

cuan plega la primabera,

en que l'orache dispierta

as selbas d'a suya chelera,

bisten os árbols con seda

que han filau as nieus alteras,

fendo d'as boiras xiretas

os diyas de gran zierzera.

Un betiello rezién librau

se mira las luminetas

en l'alfombra berda acoflau

 con a suya mai zerqueta.

Prexina que las ha dexau

 a baca de maitinada

e l'árbol queda siñalau

pa zelebrar a lifara.

Con tanta nieu que eschela

s'emplenan as barranqueras

d'auguas que blincan as peñas

á o son d'a pandereta.

¡En que plegue a nuei serena,

bañada de luz lunera,

me beilarán as estrelas

con rayadas esclateras!

¡Aduerme-te con presteza

-li dize a mai libradera-

lugo bendrá con pamema

l'albada amaitinadera!

Trayerá muitas estrenas

pa que en ixa ziresera

las penches e ascape biengan

muxons con a mosiquera.

«Luminetas, lucecillas; luletas, confites; orache, clima; selba, bosque; chelera, helada; filar, hilar; nieus, nieves; alteras, altas; fendo, haciendo; boiras, nubes; chiretas, jirones; zierzera, viento helado; betiello, becerro; rezién, reciente; librau, parido; berda, verde; acoflau, tumbado; mai, madre; zerqueta, cerca; prexina, imagina; dexau, dejado; de maitinada, de madrugada; lifara, convite; eschela, deshiela; s'emplenan, se llenan; barranqueras, barrancos; augua, agua; blincar, brincar; en que plegue, cuando llegue; nuei, noche; beilarán, velarán; estrelas, estrellas; rayadas, rayos de luz;  esclateras, ostensibles; con presteza, con diligencia; mai libradera, madre recién parida; lugo, pronto; pamema, cumplidos; amaitinadera, madrugadora; muitas, muchas; estrenas, regalos; ziresera, cerezo; penches, cuelgues; ascape, rápidamente; muxons, pajarillos; mosiquera, ruido de la música».

Flors epaticas

Coloritos brilans

Crexen baxo o fayar as epaticas,

blancas e biolas en as endrezeras,

brostan entre follarasca as primeras,

todas as primaberas, tan bonicas.

Debaxo os chinebros cobexadicas

bien galanas bandiadas por aireras

amanexen qué mesió ristoleras,

s'enfuelgan con o sol tan agudicas.

En os campos berdes as margalidas

s'afalagan d'a bida enternezidas,

güellos amariellos petalos blancos.

As pilazanas son entretenidas

con as correteras por os pozancos:

coloritos brilans que ban á trancos.

«Fayar, hayedo; epaticas, prímulas; biolas, violetas; endrezera, senda; brostar, germinar; follarasca, hojarasca; chinebro, enebro; cobexadicas, cobijadas; galana, lustrosa; bandiada, agitada; airera, viento; amanexer, aparecer; ristolera, reluciente; enfuelgar, alegrar; agudicas, predispuestas; margalidas, margaritas; afalagar, encariñar; güellos, ojos; pilazana, mariposa; correteras, correhuelas; pozanco, depresión del río; colorito, colorido; brilán, brillante; á trancos, con intermitencias».

Ye plegada a primabera

 

Chuflius d'amor

Un paxarel s'arrepincha

lugo baxa de bolada,

dimpués se debanta e fuye

e a l'acabanza s'acacha.

S'eslisa de un pino royo

un esquiruelo lelo

pa quillar-se en o camino

¡quiénto de quedo en meyos!

Dos alforrochos profanos

esbolastrían os feners

en estrampotico afaño

dende o zielo dica o berchel.

A clamor en l'arbesa

acorpora as nieus d'o mon,

os paxaricos cantan

ternes chuflius d'amor.

Se comboyan a un compás

dende os camals d'a selba,

toz acuden enta os chilos.

¡Ye plegada a primabera!

«Chufliu, silbido; arrepinchar, encaramar; de bolada, al vuelo; a l'acabanza, al final; acachar, agachar; esquiruelo, ardilla; lelo, pasmado; quillar, plantarse; quiénto, cómo; quedo, tranquilo; en meyos, en la mitad; alforrocho, milano; profano, ufano; esbolastriar, sobrevolar; fenés, henales; estrampotico, estrambótico; afaño, afán; clamor, barranco; arbesa, monte bajo; acorporar, reunir; nieus, nieves; mon, monte alto; ternes, constantes; comboyar, halagar; a un compás, mutuamente; camals, ramas; selba, bosque; chilos, chillidos; ye plegada, ha llegado».

Chinchipera negreta (Parus palustris).

Ista afoto ye amprada d'o blog de Rafel Vidaller «chiretas de marisco». A iste monín, manimenos, lo so bisto á ormino. Lo conoxco por a suya traza aparente de chuflar. Gosa fer: "chichi-pan, chichi-pan, chichi-pan" y se calla. Li cuaca asabelo a chicha y o pan. Tama no, y a os demás tamién. ¡No t'amuela, qué agudo! Pero ¡qué bonico ye iste pitolero! y ¡o bien que lo se cultiba! Grazias Rafel por amostrar-nos iste poliu chichipán en o tuyo blog.

(Amprada:prestada; monín: gracioso; á ormino: a menudo; aparente: particular; gosa fer: suele hacer; chicha: carne magra; pitolero: pedigüeño; poliu: bello; chichipán: carbonero).

Ya han femau

As cuñestras de nieu son esmermando

entre que os chelos siguen acarrazaus;

os chupons como morgallos penchando

en iste ibierno crudo bien apegaus.

Iste biello corazón ye aguardando

que as fridors no aturen a primabera

que as chemas de l'árbol que ye brostando

tiren d'o coral as penas difuera.

Os sentimientos buelan en o zielo

do una boleta grisa de cazata

los se leba luen entre pinos e abez.

Ya han femau as dembas d'a redolata

y en que a yerba medre bendrán betellez,

aimos nuebos en iste mundo lelo.

«Femar, abonar con estiercol; cuñestra, ventisquero (masa de nieve); esmermar, disminuir; entre que, mientras que; acarrazaus, agarrados; chupón, carámbano; morgallo, moco; penchar, colgar; aturar, detener; chema, yema; brostar, retoñar; tirar, sacar; coral, corazón de la madera; do, donde; boleta, azor; grisa, gris; de cazata, de cacería; luen, lejos; abez, abetos; demba, henar; redolata, alrededores; betellez, becerros; aimos, afectos; lelo, loco»

Coquinera

Grisos mallos

Baxan as crabas enta A Coquinera

en radito estallo de cuatro en cuatro

dende a zingla que ni tu ni bel atro

puyarba por estar masiau costera.

S'acochola o río Martín con zera

de Regallo ta Gabache en un paco

e nanta con precura o resobaco

morgoniando de bislai por a glera.

S'emplenan as parez de foricachos

que trespolan as fosqueras d'a tuca

en flameras silentes d'esconchuro.

Retabillan l'azul d'o zielo á truca

de tirar o ixagrín a o mon escuro:

grisos mallos d'embelecos tristachos.

Aprender aragonés

«El aragonés es una lengua románica, la única de las tres que hablamos los aragoneses que es exclusiva de nuestro territorio. Es un patrimonio inmaterial de toda la humanidad que nos toca conservar como un tesoro; su pérdida supondría un empobrecimiento para nuestra cultura. José Ignacio LÓPEZ SUSÍN». Fuente: www.elperiodicodearagon.com

Cada domingo, un fascículo de 32 páginas GRATIS con el Periódico de Aragón. Aprender aragonés es fácil!!! Una obra de casi 600 páginas que muestra la historia, la literatura, la gramática y el vocabulario del aragonés. Más de 600 fotografías, 60 colaboradores y un completo diccionario con más de 10.000 voces.

Se muere sin más

¡Ay, este pueblo ignorante, este pueblo aragonés!

desconocedores de la historia de su lengua,

que a pesar de perder su habla cavilan del revés

con la capacidad de discernimiento en mengua.

Pajarito en lo alto del palo de la bandera

que ve pasar el tiempo sin importarle nada

con el "come pan y dime tonto" en la mollera,

siempre cantando tontadas, mi dulce monada.

Porque tu casa es lo primero... para los demás;

después, sin pensarlo, te lanzas por la ventana.

Total, para ir de rama en rama sobra dignidad.

Tu lengua no es una acerola ni una manzana

que se crían por separado en su modalidad.

¿Por qué dejas que se disgregue y se muera sin más?

Chesús Aranda

Buro royo

Plebe a caldés dende os altizos zielos

por bier as tuyas ixes coloriadas,

caye ta combertir en repañuelos

d'almagre e oro as selbas agostiadas.

Con glarimas me retantan os zelos

que teneban as plebias secuestradas;

o tuyo disprezio dexó sanselos

os ríos, sin d'auguas embadinadas.

Agora traye istas nieras tristuras

que acoran as luzes embarranquiadas.

Con buro royo o rezial s'aconorta.

A pasión ranca cantas namoradas

de granota bermella en una entorta

entre que s'engaronan as ampluras.

«Buro royo, arcilla roja; plebe á caldés, llueve a cántaros; por bier as tuyas ixes coloriadas, por ver tu donaire colorado; repañuelos d'almagre e oro, mesetas de óxido rojo y amarillo; as selbas agostiadas, los bosques resecos; nieras tristuras, negras tristezas; entorta. fragmento; entre que s'engaronan as ampluras, mientras se encharcan los horizontes».

«Dende Contienda e punta Secús istas auguas ruxias remeran a sangre en a baralla contra o exerzito de Carlomagno, que acayezió seguntes a Chansón de Roland en os Puertos de Ciresa u Ziresa fren ta os Puertos d'Aspe en Franzia. En memoria d’a muerte d’o suyo sobrino Roland, Carolus Rex  establió un culto carolinchio y atrazó un tarabidau de pueblo con fazienda (economía), luenga romanze y lais (fueros) una mica más entabaxo, a coté d’o río, que agún se clama Aragón, pero que ha acazegau ixe culto e ibi é en momentos de acotolar tamién ixa cultura, a cultura d’un Reino, a cultura d’un pueblo, o pueblo aragonés».

Caxals d'esbruma

En iste chelau ibierno

s'arríen os canalizos

d'as nieus de Peña Agüerri

engalzadas en l'altizo.

As zagueras colors d'oro

d'as fuellas d'os caxicos

reluzen con o preto sol

que ye acotolando o frío.

Amanexió con ruxata

dimpués d'una nuei sideral,

os campos de chelo blancos,

l'aire de fridor birchinal.

En que a lumbrera d'o sol

afalagó o fredo suelo

boiras baxas se debantón

arrozegando chalfegos.

Dimpués so que a luz quedó

que implió o diya con brilura,

e a corriente en o flumen

con caxals de blanca esbruma.

Nebazo en Oza

A guallarda selba de Oza

de pretas nieus ye atapida,

que no bi ha sisquiá una moza

más beroya e repolida.

¡Minchaz paxaricos, minchaz!

que a fridor güe ye grandaz;

replegaz micazas de pan

y esbolaziar-ne d'implaz.

Dende Oza enta Guarrinza

yo esnabeso a redolada

con a nebada graniza

e a blancor enzerrinada.

No prexinez que m'empento,

dica a selba dende a ziudá,

tasamén por un momento

que ye por toda a eternidá.

¡Paxarez, puga pequeñez!

¡Á estrizia! ¡De pizco en pizco!

¡Esmotaz ascape! ¡No dexez

que tos se leben por bonicos!