.jpg)
¡Buen día! dizié l'aire a una
carrasca.
¡Buen día! li refeté a más zereña
creyatura que acucuta en as peñas:
ponchuda, guallarda y enzenegada.
Si sofla zierzo que chela l'aliento,
lo enduras, tu no te'n permenas
guaire.
Si traigo d'o sur fuxina que o diaple
tira d’o propio infierno, ¡tu en
susiego!
Allora, di-me: ¿qué he que fer pa que
rebles?
Por zientos as añadas a bier-te i biengo
dica istas crenchas de
Santificatuero,
e perén te trobo beroya: ¿qué ofrexes?
Pincha e zerrina en a lastra i fo planto,
o zierzo escuso e li puncho con as
fuellas:
duras d'un lau e con diens en as
puntetas;
e alzo a frescor d'a luna en l'otro
canto.
«refeté, contestó
ponchuda, ahuecada
guallarda, exuberante
enzenegada, obstinada
no te'n permenas guaire, no
te inquietas mucho (de eso)
tira, saca
¿qué he que fer?, qué tengo
que hacer
alzo a frescor, guardo la
frescura».
En primeras desincusa-me por meterte-te istas ringleras como comentario ( No he trobau o puesto correuto pa fer-lo, que en isto d´os blogs amenisto un "master") . En os zagueros diyas me he embrecau con a faina de fer un blog con bel escritos que boi fendo cuan a galbana y os quefers m´en dixan. En ixe blog he metiu o enrastre ta o tuyo ( Profés si no t´afalagarba no tiengas delera en dizir-lo me ne). Esprisions.
ResponderEliminarO binclo ta o mio blog ye : http://cuaternarios.blogspot.com.es/
A contrario, Alifonso, grazias por o tuyo comentario y parabiens por os tuyos poemas. Yo tamién he metiu o enrastre d'o tuyo blog. D'ista traza lo tiengo más amanau pa mirar-lo-me á ormino.
Eliminar¡Au, a plantar fuerte!
Chesús.