Puen berde

Por o puen berde que l'Ebro trabesa

entre Pastriz y Zaragoza, caye

l'angunia d'os diyas tristos, decaye

a claredá por a morfuga espesa.

Se debantan zigüeñas d'a defesa

con un buelo carranquioso que atraye

escañutos de can lexano, e traye

un sospiro blanco que la esnabesa.

Plebe suzesibamén con suabura,

tasamén chabisca as luzes soras

a plebia fina que i'n ha en l'alamera.

Baxa o gran río augua baruquera,

gorgas que se batuquian oras e oras,

se salen d'o canto enta la planura.

«Por el puente verde que atraviesa el Ebro/ entre Pastriz y Zaragoza, cae/ la angustia de los días tristes; decae/ la claridad por la densa atmósfera.

Alzan el vuelo cigüeñas en la dehesa/ con un vuelo renqueante que atrae/ ladridos de perro lejano; y trae/ un suspiro blanco que la cruza de parte a parte.

Llueve sucesivamente, con suavidad;/ escasamente salpica las ocres luces/ la lluvia fina que hay en la alameda.

Baja el gran río agua alborotadora;/ remolinos que se baten durante horas y horas:/ se salen del límite hacia la planicie».