Cuenco de plega

Á punto mañana o remeyo agüega

posau en tierra, aparente pa pedir,

crosidando a o zielo que li aduye a emplir

con bogalería o cuenco de plega.

Con un tapallo como de arpillera

atrapazía un azeto esdebenir;

no amenista pon conzietos pa bibir

nomás aus e reús de zemelizera.

Con guallardía ensiste en as estadas:

os más probes u biellos almosna dan

os chóbens no que leban mascaruta.

Un cadín de pasío li escañuta

y el li fa o propio igual como un repatán:

so no ne ha que dezigüeito añadas.

  

«Cuenco de plega, vaso de recaudación; á punto mañana, temprano; remeyo, remedio; agüega, delimita; posau, sentado; aparente, dispuesto; crosidando, suplicando; aduye, ayude; emplir, llenar; con bogalería, con generosidad; tapallo, prenda de abrigo; de arpillera, de tela de saco (de esparto); atrapazía, compone; azeto, áspero; esdebenir, porvenir; amenista, necesita; pon, ningún (nada); conzietos, caprichos; aus, aves; reús, restos; zemelizera, de poca consistencia; guallardía, lozanía, ensiste, insiste; estadas, permanencias; probes, pobres; biellos, viejos; almosna, limosna; chóbens, jóvenes; leban, llevan; mascaruta, careta; cadín, cachorro; de pasío, de paseo; escañuta, ladra; li fa o propio, hace lo mismo; igual como, igual que; repatán, pastorcillo; so no ne ha, solamente tiene y no sobrepasa; dezigüeito añadas, dieciocho años».

«Malas que s'esboldregó o bloque sobietico surtió a era global deflazionaria: os pres cayoron uno par d'atro igual como lo fazión os chornals en tot o mundo zebilizau. A deflazión estió a racada d'o fluxo de l'antiga manobra comunista enta la economía global... Os europeyos de l'Este y os rusos eban a azeutar chornals pro baxos que no os normals en ozidén. A lo espuntar a decada de 1990 a oferta global de triballadors se dobló, no solo por os rusos que tamién por os chinos e indios, presonas antis emplegadas en economías zarradas e difuera d'o mercau que sin dembargo ganoron a dentrada en a economía global... Os triballadors ozidentals alufroron fito fito cómo s'ausidiban os suyos triballos debán dos suyos nasos. L'ausenzia d'un contrato sozial global, d'una menima lechislazión laboral internazional, pribó o poder de negoziazión d'os triballadors internazionals... A ruina d'as clases meyas puede apolargar-se entre una pila decadas, dica que os chornals en os países en bías de desembolique apercazen os libels d'ozidén». "Economía canalla" Loretta Napoleoni. Editorial Paidós

Ixagrín

Por entre os bisillos d'a tuya cara

se dispierta un furo sol con brilura,

como una xerata de fermosura

que á punto diya traye lumbre clara.

O ixagrín d'a mía bida s'ampara

en dandalosos nubles de tristura

que apercazan toda a suya negrura

d'as guambras d'a nuei n'as que se mascara.

Por o barducal que bi ha en a endrezera

se chabisca a mía alma e s'esbariza,

rebotida d'angunia e desespero.

Entre a claror pardisca d'a paquiza

acucuta o tuyo riso esclatero

con recosiros de luna mielera.

  

«Ixagrín, desencanto; se dispierta, se despierta; furo, salvaje; brilura, refulgencia; xerata, fogata; fermosura, hermosura; á punto diya, al amanecer; traye, trae; lumbre, luz del fuego; s'ampara, se refugia; dandalosos, inestables; nubles, nublos; tristura, tristeza; apercazan, toman; guambras, penunbras; nuei, noche; se mascara, se tizna; barducal, barrizal; endrezera, senda; chabisca, salpica; s'esbariza, resbala; rebotida, rebosante; angunia, congoja; desespero, desesperación; claror, luminosidad; pardisca, claroscura; paquiza, umbría; acucuta, despunta; riso, gesto de risa; esclatero, ostensible; recosiros, añoranzas, luna mielera, luna afable (dulce)».

A nieu en chelo

M'escatumba saber que no yes mía;

a gollada berda de primabera

os dulzes caxos plenos d'ambrosía

l'andana farandusca e ristolera.

Me fo cargo de que has un ombre nuebo;

que no s'aiba pon d'a tuya endrezera

a l'amparo d'una xera d'erebo

que a el li escalfa e a yo me desespera.

Ixe diya a nieu zarré a tuya boca,

ya no'n bi abié más borinas ni risos

e l'alegre zeño se'n torné en chelo.

Abentaré as coronas de narzisos

que te metié bien alto chunto a o zielo

pa endurar ixe mal que me preboca.

  

«Nieu, nieve; chelo, hielo; escatumbar, derrumbar; gollada, mirada; berda, verde; caxo, mejilla; plenos, llenos; ambrosía, deleites; andana, andares; farandusca, despreocupada; ristolera, sonriente; no s'aiba, no se aparta; pon, nada; endrezera, camino; xera, fogata; erebo, infierno; escalfa, calienta; zarré, cerró; borinas, fiestas; risos, risas; zeño, gesto; se'n torné, se convirtió; abentaré, lanzaré; te metié, te coloqué; chunto, junto; endurar, soportar; ixe mal que me preboca, todo el daño que me provoca».

Mullers de mayo

A la Birxen de Semón

la carrían en a piana

entre cantas e rezos

cuatro mullers embrecadas.

En a semana de mayo,

en a primerenca d'o mes,

cuan as flors d'o tremonzillo

salen en os mons d'Azeré.

A birxen camandulera

ba en bolandas mui goyosa

bistida de saya blanca

portiada por rezias mozas.

En prozesión china-chana

con a mosica sonando

os pendons dreitos e luengos

e a catafila blincando.

¡Mai, leba-me ta l'armita

que m'aiman as flors de lin,

replegar l'azul d'o zielo

que bordía en os camins!

«Flors, flores; birxen, virgen; Semón, un antiguo poblado íbero; carriar, acarrear; piana, peana; cantas, canciones; embrecadas, comprometidas; tremonzillo, tomillo; mons, montes; camandulera, parrandera; en bolandas, por el aire; saya, vestido; portiar, transportar; rezias, fuertes; china-chana, sin detenerse; dreito, recto; luengo, largo; a catafila, los acompañantes; mai, madre; leba-me, llévame; armita, ermita; m'aiman, me gustan; flors de lin, flores del lino; replegar, recoger; bordiar, bordear; camins, caminos»

«En que remata a misa en l'armita de Semón bi ha costumbre de puyar en o campanal a repicar as campanas. De contino acuden a minchar madalenas u pastas con un beire d'anís u moscatel en casa d'o santero que bi ye apegada a costau. Os bisgüelos Chuan Crisostomo e Ventura bi estieron de santers, dimpués tío Carrateo pai e fillo y en zagueras Minguillón. Criaban pirinas e coniellos en o zerro e as chens d’os cuatro lugars lis daban lana, bel cuartal de trigo u morziellas e fardels de matazía. Chuan morié en l'armita d'una esbinzadura e o güelo Daniel se'n baxé ta Azeré con o ganau. Ne bendié firme estallo e con os diners cabidaus merqué una casa en a Replazeta. Aquí tenié toros e güellas entre que a güeleta María espachaba en a tabla (carnezería). Un diya que benié Chuan Crisotomo a bier os fillos so no se’n trobé que a la nieta chiqueta que a l’arreo lis ne fazié notorio d’ista traza: “l’agüelo Venturo sen fo, vengó y sen fo” e no bi aturé con iste retruque dica que se'n quederon combenzitos e informaus. Rai, de tornada se bandían os pendons en o Paradero y en a plaza la ilesia. En l'afoto de abaxo Elías ye bandiando-ne uno con tiento e rasmia a coté d'o pilón (fuen con cumo) enfrén d'a piana d'a birxen en o Paradero. Os mosicos d'ista añada se'n son baxaus de Zimballa».

Taller de artesana

Me levanto y leo el mapa del cielo;

me pido el azul que hay en tu ventana

las nubes grises apartando el velo

que cubre el rostro de estampa alazana.

Destellos de luz caen en circunvuelo

como añagazas de mujer gitana

que el aire halaga hasta llegar al suelo;

risas de flores, taller de artesana.

Me llega el cálido ardor de tus soles,

la fragancia que embriaga los colores,

el verde que enardece mis sentidos;

siento el agua que corre entre rumores,

los requiebros de parajes perdidos

y me envuelve la brisa en tornasoles.

Chesús Aranda

«No resulta comeniente calar-se aintro d'a politica porque ye un barduqual á caramullo de bardoma e tarquín que ha secuestrada la democrazia e puedes emporcar-te, pero como rezién se ha chinorrau l'onica lai de luengas que bi eba en ista autonomía nuestra, pos cale dizir que iste gubierno castejano y endino que s'abergueña de clamar aragonés a la luenga aragonesa no pasará. O pueblo aragonés rebellará e o tiempo meterá a istos menanzios en o puesto que merexen: en o mesmo olbido e disprezio que li fan a la nuestra cultura».

Somordos como paidera

Como güella ligada en a pedera

con o percucho fincau en a paret

se dexa castigada a la cordera

que se desprende d'o suyo corderet.

Como rabaño que ha buena fartera

marcha ta debán o pueblo aragonés,

suelto a l'ancha, de ribera en ribera,

con crapas, bucos, mardanos e cordés.

I'n ha d'animals que belan apuraus;

os demás se desentienden rebiraus:

somordos como paidera en un saso.

Os mardanos no aturan de marezer;

codas curtas e pelache bien raso

que en cuenta d'escurrir no fan que florer.

  

«Somordos, obtusos (sordos); paidera, corral de ganado; güella, oveja; ligada, atada; pedera, estaca al pie de la paridera; percucho, clavija; fincau, hincado; paret, pared; cordera, oveja madre; corderet, cordero; rabaño, rebaño; ha buena fartera, harto de comer; ta debán, adelante; a l'ancha, felices y confiados; crapas, cabras; bucos, cabrones; mardanos, carneros; cordés, corderos; belan, balan; apuraus, angustiados; rebiraus, rebotados (vueltos); saso, altiplano pedregoso; no aturan, no paran; marezer, cubrir a la hembra; codas, rabos; curtas, cortas; pelache, pelaje; bien raso, muy rasurado; en cuenta, en lugar de; escurrir, pensar; no fan que florer, no dejan de fastidiar».

Ditaleras

 

Granates ditaleras

Ya rechitan berde as zereñas brancas

que d'ibiernada estieron espulladas,

d'os faus, concaradas cara as airadas

en tascas tapizadas por nieus blancas.

Ya se cala o sol terne en as estancas

morgoniando bien farto de gambadas;

e ascape plegarán as estibadas

ta esbagarar e remullar as ancas.

Acucutan granates ditaleras

con un carrazo de suabes tringolas

que colorían a las gabarderas

e un zarpau de polidas pamparolas

que las leban bisas camanduleras

ben dondín dondiando e las dexan solas.

«Pastoretas, nazarenos (muscari); ditalera, digital (planta); rechitar, retoñar; zereña, robusta; branca, rama; d'ibiernada, durante el invierno; espullada, desnuda; fau, haya; concarada, enfrentada; airada, ráfaga de viento; tasca, prado de montaña; nieu, nieve; calar, introducir; terne; insistente; estanca, estanque; morgoniar, protestar; bien farto, hartísimo; gambadas, correrías; ascape, enseguida; plegar, llegar; estibada, veraneo; esbagarar, holgazanear; remullar, remojar; anca, cadera; acucutar, despuntar; carrazo, racimo; tringola, campanilla; gabardera, rosal silvestre; zarpau, puñado; polida, preciosa; pamparola, mariposa; bisa, brisa; camandulera, parrandera; ben, van; dondín dondiando, merodeando; dexar, dejar».

Morana

Bal de Morana

Yera un maitín d'o mes d'abril floriu

en que o zierzo, o frío e a nieu campaban

a la mesma ora que caminábanos

entre as duras carrascas d'a Morana.

Alarguemos ta l'ueste enta un tresaire

fendo d'escar un poco de luz e sol

que o güelo Moncayo nos ne pribaba

con güeina negra e zeños d'adán ramplón.

Aturemos l'auto en a biella muga

do grazias a Santa Rita e con perdón

o Queiles li furta a Castiella as auguas

que lugo le'n da a Aragón en gorgollón;

e una flor beroya de curbas plenas,

zerras morenas e gollada abisal,

entre flors royas por a plaza ent'o bar

de brazete lebaba l'ombre a chintar.

«Yera, era; maitín, mañana; carrasca, encina; alarguemos, marchamos; ueste, oeste; tresaire, abrigo del viento; fendo d'escar, tratando de buscar; güelo, abuelo; pribaba, impedía; güeina, boina; zeños, gestos; adán ramplón, hombre descuidado y vulgar; aturemos, detuvimos; auto, coche; biella, antigua; muga, frontera; furta, roba; Castiella, Castilla; auguas, aguas; lugo, luego; le'n da, se la entrega; en gorgollón, a borbotones; beroya, exuberante; curbas plenas, curvas colmadas; zerras morenas, cabellera negra; gollada abisal, mirada insondable; flors royas, flores escarlata; de brazete, colgada del brazo; lebaba, llevaba; l'ombre, el marido;  a chintar, a comer a mediodía».

Luminetas

Zientos de blancas luletas

cuan plega la primabera,

en que l'orache dispierta

as selbas d'a suya chelera,

bisten os árbols con seda

que han filau as nieus alteras,

fendo d'as boiras xiretas

os diyas de gran zierzera.

Un betiello rezién librau

se mira las luminetas

en l'alfombra berda acoflau

 con a suya mai zerqueta.

Prexina que las ha dexau

 a baca de maitinada

e l'árbol queda siñalau

pa zelebrar a lifara.

Con tanta nieu que eschela

s'emplenan as barranqueras

d'auguas que blincan as peñas

á o son d'a pandereta.

¡En que plegue a nuei serena,

bañada de luz lunera,

me beilarán as estrelas

con rayadas esclateras!

¡Aduerme-te con presteza

-li dize a mai libradera-

lugo bendrá con pamema

l'albada amaitinadera!

Trayerá muitas estrenas

pa que en ixa ziresera

las penches e ascape biengan

muxons con a mosiquera.

«Luminetas, lucecillas; luletas, confites; orache, clima; selba, bosque; chelera, helada; filar, hilar; nieus, nieves; alteras, altas; fendo, haciendo; boiras, nubes; chiretas, jirones; zierzera, viento helado; betiello, becerro; rezién, reciente; librau, parido; berda, verde; acoflau, tumbado; mai, madre; zerqueta, cerca; prexina, imagina; dexau, dejado; de maitinada, de madrugada; lifara, convite; eschela, deshiela; s'emplenan, se llenan; barranqueras, barrancos; augua, agua; blincar, brincar; en que plegue, cuando llegue; nuei, noche; beilarán, velarán; estrelas, estrellas; rayadas, rayos de luz;  esclateras, ostensibles; con presteza, con diligencia; mai libradera, madre recién parida; lugo, pronto; pamema, cumplidos; amaitinadera, madrugadora; muitas, muchas; estrenas, regalos; ziresera, cerezo; penches, cuelgues; ascape, rápidamente; muxons, pajarillos; mosiquera, ruido de la música».

Flors epaticas

Coloritos brilans

Crexen baxo o fayar as epaticas,

blancas e biolas en as endrezeras,

brostan entre follarasca as primeras,

todas as primaberas, tan bonicas.

Debaxo os chinebros cobexadicas

bien galanas bandiadas por aireras

amanexen qué mesió ristoleras,

s'enfuelgan con o sol tan agudicas.

En os campos berdes as margalidas

s'afalagan d'a bida enternezidas,

güellos amariellos petalos blancos.

As pilazanas son entretenidas

con as correteras por os pozancos:

coloritos brilans que ban á trancos.

«Fayar, hayedo; epaticas, prímulas; biolas, violetas; endrezera, senda; brostar, germinar; follarasca, hojarasca; chinebro, enebro; cobexadicas, cobijadas; galana, lustrosa; bandiada, agitada; airera, viento; amanexer, aparecer; ristolera, reluciente; enfuelgar, alegrar; agudicas, predispuestas; margalidas, margaritas; afalagar, encariñar; güellos, ojos; pilazana, mariposa; correteras, correhuelas; pozanco, depresión del río; colorito, colorido; brilán, brillante; á trancos, con intermitencias».