T'a escuela

Igual como siempre trobo Aragón.

Ista tierra no ye que una femera

con tobos bafos que dan gomitera;

no ye casa nuestra, ye un foricón.

Semos maracos por telebisión,

moñacos á tientos en a fosquera.

Nomás zangarría libre a zierzera

por güebras e mons escando perdón.

A chen d'Aragón amaga en a pocha

o suyo corazón, e en o corazón

a más apatusca encuria e dexadez.

No puede dexar-se a luenga en un cantón

sin ni sisquiá debantar os alazez.

¡Cal lebar-la t'a escuela e fer pinocha!

«Iste poema ye estau publicato en a rebista Fuellas d'o Consello d'a Fabla Aragonesa».

http://www.consello.org/pdf_fuellas/fuellas%20219-220.pdf

«T'a escuela; a la escuela;

trobo, hallo;

femera, estercolero;

tobos bafos, fofos vahos;

gomitera, ganas de vomitar;

foricón, covacho;

maracos, caricaturas;

moñacos, criajos;

á tientos en a fosquera, a tientas en a oscuridad;

zangarría, deambula;

en a pocha, en el bolsillo;

en un cantón, en una esquina;

os alazez, sus cimientos;

e fer pinocha, y hacer piña».

«En l'afoto amanexe a escuela de Ansó. A primera en que estudié as letras e os lumers. Remero que un diya o mayestro me fazió posar en a primera ringla chunto t'a estufa porque yera d'os más chiquins. Dimpués me'n fue t'a escuela de Urdués, en a bal d'a lau, en do i plegué a estar d'os mayors. No gosé estudiar ansotano ni cheso porque yera bedau. Agora s'amuestran d'una traza ofiziosa, li claman "boluntaria", anque quieren dizir pribada, particular. A luenga aragonesa encá no ye reconoxita en o Estatuto como luenga propia. ¿Será de bel atro, pues?, ¿será nabarro-aragonés u riojano como diz bel filologo ultranazional? Antiparti, as Comunidaz que han luenga propia so no ne han que una, no dos ni tres, cadaguna a suya, anque aigan más. Istoricamén en Aragón se ha charrau o romanze aragonés. Cualsiquier filologo que no s'imbente a reyalidá lo sabe. Os nuestros representans politicos no la charran ni la quieren charrar a tamás de que en España ye tan ofizial a luenga propia d'o Estau como as luengas propias d'as Comunidaz. En ixo s'alazeta a reconziliazión nazional. Ye custión de umanisno e de cultura, de respetar a l'ombre a trabiés de todas as luengas que fabla. Todas son respetables. Aragón, sin dembargo, no cumple ixe prenzipal mandato costituzional. Si os mainates no charran aragonés ¿nos representan a nusatros u representan a otris que no sigan aragoneses? "L'aragonés t'a escuela" quiere dizir que os politicos han que dar exemplo estando os primers en charrar-la con respeto, d'una traza correuta, sin de trepuzons, poqué a poqué e á bonico. Pa ixo s'amenista a escuela».

caballez blancos

Yera a polideza berda

d'as bals encomelladas

suabe tristura fresca

zaga as pasadas tronadas.

Yera a remor d'a mañana,

con as tascas tan mulladas,

sentimientos d'augua clara

que los se'n leba e enxagua.

Os caballez alaus blincan

como blanca amadrugada,

baxaus d'o zielo entre chislas

a esclarexer a gollada

 d'a frongosa selba.

«Caballez, caballitos;

polideza, belleza;

berda, verde;

encomelladas, ondulantes;

tristura, tristeza;

remor, rumor;

tascas, prados;

mulladas, mojadas;

enxagua, enjuaga;

amadrugada, amanecer;

chislas, gotas;

esclarexer, aclarar;

gollada, mirada;

frongosa, vanidosa;

selba, bosque».

O río

L'augua ye plebia,

cansa, se i queda lasa,

blanca, plena de luz.

Por debaxo se'n calé

d'os güellos d'ixe puen.

L'augua ye plebia,

dormindo ya suenia,

dende l'alba t'a luna,

dende o ibón en a cuna.

Cansa se i queda lasa,

suenia que ye adormida,

beila a pastós con obellas

fincaus en pretas balellas.

Blanca, plena de luz,

amuestra entre peñas

susiegos á trasluz.

«Plebia, lluvia;

cansa, agotada;

lasa, inerte;

plena, llena;

por debaxo se'n calé, se metió debajo (de ellos);

güellos, ojos;

puen, puente;

augua, agua;

suenia, sueña;

ibón, lago;

beila, vela;

pastós, pastores;

güellas, ovejas;

fincaus, ubicados;

en pretas balellas, en cerrados vallecitos;

amuestra, muestra;

susiegos, sosiegos;

á trasluz, al trasluz».

Rosa ruxia

O misterio d'a rosa ibi é en a rosa:

un esbol d'olorías en nantada,

flameras de color afalagadas

en o chardín, con suabura amorosa.

A bida li da a la rosa una cosa:

toda a suya plenitú coloriada,

a grazia d'una xerata flamiada

que no s'amorta, que medra desiosa.

Son os muxons galans de fermosura

que arredol buelan d'a tuya zentura

en bolitos alegres de namoraus.

Baxan d'os árbols, como pairos plantaus,

á escar a tuya riseta esclatera

que lis emplena l'alma de delera.

«Rosa ruxia, rosa roja;

un esbol, una bandada;

olorías, fragancias;

en nantada, con presteza;

flameras, llamaradas;

afalagadas en o chardín, acogidas (con cariño) en el jardín;

xerata flamiada, hoguera inflamada (exultante);

bolitos, vuelos;

como pairos plantaus, como pasmarotes parados;

á escar, a buscar;

riseta esclatera, sonrisa limpia;

lis emplena, les llena;

de delera, de entusiasmo».

  

«Iste poema ye estau publicato en a rebista Fuellas d'o Consello d'a Fabla Aragonesa, pertocán a la entrestallada chinero-abril de 2015, lumeno 225-226». Videte: «http://www.consello.org/fuellas.htm».

Regachera

Regachera ristolera

a regachera perén

en golochera caíndo

d'Arriguadera en o Puen.

A regachera rigola

enchugardita esnabesa

china-chana enfilada

 por o lugar de Ziresa.

Augua platera e beroya

canziello de bor en bor

chiqué amiro de risetas

que no i plega a estar clamor.

«Regachera, reguero;

ristolera, risueña;

perén, perpetua;

en golochera, en cascada;

caíndo, cayendo;

Puen de l'Arriguadera (puente de Ziresa);

rigola, regata;

enchugardita, divertida;

esnabesa, recorre;

china-chana, sin detenerse;

enfilada, dirigida;

por o lugar, por el pueblo;

augua, agua;

platera, clara;

beroya, radiante (hermosa);

canziello, cauce;

de bor en bor, a rebosar;

chiqué, pequeño;

amiro, conjunto (cantidad);

que no i plega, que no alcanza (allí);

a estar, a ser;

clamor, barranco».

Sarrios

En que atura de pleber e o sol sale

rebilcan con cantas as canaleras

repican as campanas blincaderas,

cualsiquier rechumbaladero bale.

Una rabañada d'ixarzos, ¡ale!,

preta a rader as yerbas primeras

que naxen tiernas por as barranqueras,

brotadas con toda a berdor que'n cale.

En que remata a ruxada se'n baxan

de bez, con a milenta regacheras,

ent'as tascas, toz os animals d'o mon:

un chabalín con buenas tragaderas,

ixarzos: paso enta zaga e cullarón;

e un raboso que se mira o que encaxan.

«Sarrios, rebecos;

en que atura, en cuanto para;

de pleber, de llover;

rebilcan, resucitan;

con cantas, con coplas;

canaleras, barranquillos;

blincaderas, saltarinas;

rechumbaladero, tobogán;

rabañada, conjunto grande (rebaño);

ixarzos, sarrios (rebecos);

que'n cale, que se necesita (de ella);

ruxada, aguacero;

cullarón, cucharón;

raboso, zorro;

que se mira, que contempla;

encaxan, encajan».

Ferrete d'esquillas

No i'n ha de parolas pa emponderar

a suabura d'as fuellas rechitando,

a relumbraina de luzes clariando

dimpués d'un andalozio en o caxicar.

Mans de tierzopelo enzetan a brostar

chuntas en un pirol, afalagando

a prima rama en do naxen, penchando

con colors royencas en o dispertar.

Contina o rabaño de cabañera

por o Moncayo con canso ferrete

d'esquillas resonando entre os matizos.

Esberrecan güellas de repiquete

cada bez que roñan os barranquizos

con nieus de plata fina de senera.

«Ferrete, matraca;

esquillas, esquilas;

no i'n ha, no hay (allí, de ello);

emponderar, ensalzar;

suabura, suavidad;

fuellas, hojas;

rechitando, retoñando;

relumbraina, resplandor;

andalocio, chaparrón;

caxicar, robledal;

pirol, pimpollo;

afalagando, acariciando;

prima, delgada;

penchando, colgando;

de cabañera, en trashumancia;

esberrecan, berrean;

güellas, ovejas;

de repiquete, en contrapunto;

roñan, gruñen;

nieus de senera, nieves (flores) de guillomo».

Arrés barraina

Una güella fenezió esbarrainata,

s'aibó d'o rabaño puyando o mon;

o pastor bi aturó en una mallata

e ascape, a escar-la con os cans, marchón.

A güella no alentaba, s'afogaba,

chalfegos desainaus á mogollón.

Enrique morgonió que chemecaba:

con ansia e rangüello en o garganchón.

Por o Moncayo indo de cabañera

con un estallo de crabas e güellas

fendo o camín a las mil marabiellas.

A pobrichona rancó de a paidera

e petenar con as demás querió;

pero a nafra en o cuello le'n bedó.

«Arrés barraina, res suelta;

esbarrainata, extraviada;

s'aibó, se apartó;

rabaño, rebaño;

bi aturó, se detuvo (ibi, allí);

mallata, aprisco;

escar-la, buscarla;

marchón, salieron;

no alentaba, no respiraba bien;

chalfegos, jadeos;

morgonió, censuró;

chemecaba, gimoteaba;

con ansia, con náusea;

rangüello, ronquera;

garganchón, garganta;

estallo, hatajo;

paidera, paridera;

nafra, herida;

le'n bedó, se lo impidió».

Rebolizio

Á coté d'un río berde un muxón,

fendo rebolizio, garimbolía

con un plumache rico en ambrosía

que os pinos li meten de refrotón.

Luze en o papo un enquieto pipón

e bel crenchón puga que esbolastría

por alteras tallas, como un bexía,

canturriando a la tardi en un cantón.

Drento d'a selba tremola o silenzio

cuan s'amorta o grolleo moregón;

e os mormurios d'ibierno escan a luna.

Queda un recosiro blanco d'erenzio

que se torna ascape en duro crostón;

e o chiquín no atraza casa denguna.

«Á coté, al costado;

muxón, pajarico;

fendo rebolizio, formando revuelo;

garimbolía, corretea;

papo, buche;

pipón, pico de ave;

crenchón, crestón;

puga, provocador;

esbolastría, revolotea;

tallas, ramas;

bexía, vigía;

grolleo, trinado;

moregón, huidizo;

mormurios, murmullos;

ibierno, invierno;

escan a luna, buscan la (noche);

recosiro, añoranza;

d'erenzio, de herencia;

crostón, costrón;

no atraza, no compone;

casa denguna, su nido».

Ista afoto ye amprada d'o blog de Rafel Vidaller «chiretas de marisco» en

httpchiretademarisco.blogspot.com.es201207un-paxarel-en-o-chinco

O mon

L'arbesa en o mon,

de pinos ne fas

muitos, a muntón.

A tasca en o mon,

de primabera

ne has flos de colós.

A selba en o mon,

un paxarico

en aquer camón.

A ralla en o mon,

con bel xabalín

ne chintarás pro.

A tuca en o mon,

no'n retarten as nieus

ni beta ni pon.

«Mon, monte;

arbesa, monte bajo acotado;

ne fas muitos, haces muchos (de ellos);

tasca, pradera;

de primabera, durante la primavera;

ne has flos, tienes muchas flores;

colós, colores;

selba, bosque;

camón, claro en el bosque;

ralla, cresta;

xabalín, jabalí;

ne chintarás pro, comerás (de él) abundantemente;

tuca, cumbre;

no'n retarten, no rechistan (inde, de allí);

as nieus, las nieves;

ni beta ni pon, ni pizca ni nada».